GENSAN CITY– Nangontak og mga eksperto sa mga buaya ang taga Department of Environment and Natural Resources Management (DENR) Region 12 kauban ang Sarangani Protected Area Management Board (PAMB) sumala ni Allan Marcilla, Department head sa CENRO Gensan.
Kini kabahin sa buaya nga unang nakita sa bukana sa Minanga Barangay Buayan milabay nga semana og dayon sa kadagatan sa Lun Padidu Malapatan Sarangani Province.
Gibutyag ni Marcilla, dili sila makapasalig sa mga angayang himuon aron madakpan ang buaya.
Hinuon, nagpatawag sila og meeting sa mga ‘bantay dagat’ sa Gensan aron ipahibalo sa mga katawhan ilabina ang mga nagpuyo sa baybayon og duol sa mga bakawan kon mangrove areas nga magbantay ug likayan ang unsa mang ‘encounter’ sa maong “Saltwater crocodile”.
