Gikompirmar sa Embahada sa Pilipinas sa Israel nga gi-activate na niini ang Crisis Management Team aron pagtubag sa mga panginahanglanon sa mga Pilipino nga naapektuhan sa panagbangi tali sa Iran ug Israel.
Kini gipangunahan mismo ni Ambassador Aileen Mendiola.
Kini nga lakang nagtumong sa pagpunting sa mga kalamboan bahin sa nagkadako nga tensyon tali sa duha ka mga nasud.
Kung mahinumdoman, naglunsad og pag-atake ang Iran sa Israel nga gitubag dayon niini pinaagi sa paglusad sa mga lakang sa militar.
Nagdugang pa kini sa kahadlok sa kaluwasan ug seguridad sa mga Pilipino nga nagpuyo ug nagtrabaho sa maong lugar.
Kalabot niini, gipasalig ni Ambassador Mendiola nga dili sila mohunong sa pakig-alayon sa mga awtoridad sa Israel ug bisan sa mga awtoridad sa Pilipinas alang sa hinanaling tabang kon gikinahanglan.
Gidasig usab niya ang mga Filipino nga mosunod sa mga guidelines sa IDF Home Front Command ug magtagad sa mga abiso sa ilang Embahada.
