GENERAL SANTOS CITY – Miubos ug 50% ang crime volume dinhi sa Region 12, alang ning tuiga.
Kini ang gipasigarbo ni Police Regional Office 12 Director Chief Supt. Marcelo Morales, base matud pa sa natala nila sa unang quarter.
Sa pakighinabi sa Bombo Radyo, gipaisgarbo usab ni Gen. Morales nga miusbaw ang ihap sa mga nasikop nga wanted persons pinaagi sa warrant of arrest.
Dungan niini, malipayon matud pa ang nasampit nga opisyal sa sunud-sunod nga pagsurrender sa mga lokal nga panggamhanan sa mga loose ug unlicenced firearms, kung asa anaa na sa 800 ang gikan sa probinsya sa Sultan Kudarat.
Apil na niini ang bag-uhay lamang gisurrender nga 119 ka mga loose ug unlicenced firearms sa mayor sa Palembang.
Gumikan niini, nanghinaot matud pa si Gen. Morales nga magpadayon kini.
