Naglaum si President Marcos naglaum sa pagtubo sa kooperasyon tali sa Pilipinas ug sa laing walo ka mga nasud sa iyang pagdawat sa mga kredensyal sa ilang dili residente nga mga ambassador sa Palasyo sa Malacañang.
Sa video reel nga gi-post sa Facebook page karong Biyernes, makita nga gidawat sa Presidente ang mga kredensyal gikan sa mga ambassador. Kauban niya si Department of Foreign Affairs (DFA) Secretary Enrique Manalo.
Giabiabi ni Marcos ang mga langyaw nga sinugo kaniadtong Huwebes, diin iyang gipahayag ang paglaum nga makita ang pagpalawom sa kooperasyon tali sa mga nasud sa umaabot.
Lakip sa mipresentar sa ilang mga kredensyal mao sila si Ambassadors Galma Mukhe Boru sa Kenya, Nicholas Panayiotou sa Cyprus, Moussa Fanta Camara sa Guinea, ug John Fritz sa Micronesia.
Gidawat usab sa Presidente ang mga kredensyal nila ni Ambassadors Tomas Ferko sa Slovakia, Cristina Gonzales sa Uruguay, Mauricio Mauro Epkua Obama Bindang sa Equatorial Guinea, ug Mario Jose Armengol Campos sa Nicaragua.
