Covid19 cases sa Region 12 miabot na sa 49

GENERAL SANTOS CITY– Nadugangan ug usa ka kaso sa COVID-19 ang Rehiyon 12 kini base sa ulahing data nga gipagawas sa DOH-12.

Kini na ang ika-49 nga kaso kung asa usa ka babaye nga taga North Cotabato nga adunay travel history gikan sa Quezon City og miabot kaniadtong Hunyo 17, 2020.

Nanguna sa gihapon ang South Cotabato nga adunay 16 ka kaso kung asa unom ang anaa sa luwas nga kondisyon.

Gisundan sa Cotabato City nga adunay 15 ka kaso kung asa siyam ang anaa sa luwas nga kondisyon.

Ang Sultan Kudarat adunay unom ka mga kaso, usa ang patay, duha ang anaa sa luwas nga kahimtang.

Samtang ang General Santos City og Sarangani Province adunay tigtulo ka mga kaso sa covid19 kung asa adunay tig-duha nga gibantayan pa sa mga medical personnel.