GENERAL SANTOS CITY – Miusbaw og 350% ang kaso sa COVID 19 sa Sarangani Province gikan Mayo 1 hangtud karon.
Matud pa kang Dr. Arvin Alejandro, provincial health officer sa Sarangani nga kini gumikan sa ilang gihimo nga risk based targeted testing kung asa mas gipalapdan pa ang testing sa mga sektor nga daghang nakahimamat matag adlaw.
Sa pamahayag ni Dr. Alejandro nga sukad nga ilang gihimo ang risk based targeted testing mitaas ang kaso sa COVID 19 sa Sarangani.
Gikadugang pa niini nga 60% ang mga assymptomatic og 40% ang may sintomas.
Sa maong pamaagi masayran gilayon kung positibo o dili sa COVID 19 ang usa ka tawo.
Kung positibo malikayan nga daghan pa ang matakdan sa virus. Magpadayon ang himoong risk based targeted testing sa probinsya aron nga makontrola ang pagkatap sa virus.
Sa pamahayag pa niini nga ang munisipyo sa Maitum, Alabel og Kiamba ang may daghang kaso sa maong virus sa Sarangani Province.
