GENERAL SANTOS CITY – Mukabat na sa 19 ka mga indibidwal ang dugang nga nakarekober sa coronavirus disease 2019 sa Rehiyon 12.
Sa kasamtangan, mukabat na sa 272 ang total recoveries gikan sa 366 kinatibuk-an nga nagpositibo sa maong makamatay nga sakit.
Samtang basi sa rekord sa DOH-12, lima ang natala nga namatay sa deadly virus kung asa duha sa North Cotabato ug tulo sa Sultan Kudarat.
Nanguna nga adunay pinakadaghan nga kaso ang Probinsya sa South Cotabato nga adunay 86 kung asa 64 ang nakarecover.
Gisundan kini sa probinsya sa Sarangani nga nakatala ug 72 samtang 57 ang nakarecover.
Ikatulo ang Sultan Kudarat nga adunay 70 ka mga kaso samtang 58 ang nakarecover.
Gisundan sa dakbyan sa GenSan nga adunay 52 ka mga kaso 27 ang nakarecover.
Dayon ang probinsya sa North Cotabato adunay 50 ka mga kaso 38 ang nakarecover ug ang Cotabato City adunay 36 ka mga kaso kung asa 28 ang nakarecover.
