GENERAL SANTOS CITY – Nadugangan og duha ang Covid-19 related deaths sa katibuk-ang rehiyon nga karon misaka na sa 149.
Kini human nga nahunusan sa kinabuhi ang ika-4171 COVID 19 patient nga usa ka 64 anyos nga babaye nga residente sa General Santos.
Gikataho nga ang hinungdan sa kamatayon sa nasampit gumikan sa Acute respiratory failure secondary to hemorrhagic stroke.
Samtang nakabsan usab sa kinabuhi ang ika-3820 nga kumpirmadong kaso nga usa ka 66 anyos nga babaye nga residente sa Polomolok South Cotabato.
Gikataho nga ang hinungdan sa kamatayon sa nasampit gumikan sa Pneumonia og Chronic Kidney Disease og nigrabe ang sakit sa covid 19.
Sa karon, nanguna ang GenSan sa adunay daghang natala nga napatay sa virus infection nga anaa sa 53, gisundan sa Cotabato City nga mitala og 37, ikatulo ang South Cotabato nga may 23 ang patay, Sarangani may 14 nga napatay sa covid 19, North Cotabato may 12 og Sultan Kudarat napulo ang covid 19 related death.
