GENERAL SANTOS CITY- Misaka na 61 ang natala nga Covid-19 related deaths sa General Santos City, asa maoy labing taas nga ihap sa tibuok Soccsksargen.
Subay sa report nga gipagawas sa DOH-Region 12, gikumpirma ang pagkamatay sa 66 anyos nga lalaking pasyente nga positibo sa coronavirus disease 2019.
Gawas niini, misaka usab sa 1,418 ang katibuk-ang kumpirmadong kaso sa Covid-19 sa GenSan human madugang ang usa ka bag-ong pasyente. Anaa karon sa 108 ang gikonsiderang active patients sa siyudad.
Kahibaluan nga sa milabay’ng duha ka adlaw, anaa sa double-digit ang natala nga Covid cases sa GenSan.
Base usab ulahing report nga 14 ang bag-ong nakarekober kung asa sa Cotabato -3 , GenSan-9, og Tacurong City adunay duha.
Samtang mukabat sa 13 ang bag-ong kaso sa covid 19 sa rehiyon kung asa sa maong ihap, sa GenSan -1, North Cotabato -12 kung asa sa Kidapawan -8, Makilala-1, Mlang-1 og Kabacan -2.
Sa karon, anaa sa 4754 na ang natalang kaso sa coivd 19 sa tibuok Soccsksargen, kung asa 330 ang active cases, 169 ang namatay og ang nagmaayo sa sakit miabot na 4,255..
