GENERAL SANTOS CITY – Anaa sa katorse ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Sa maong report 34 ang bag-ong nakarekober og walay napatay. Gibutyag nga walo ang natala nga kaso sa Sarangani kung asa lima sa Alabel, duha sa Maasim og usa sa Malungon.
Samtang tag duha sa GenSan , South Cotabato og Cotabato Province.
Gumikan niini 2,059 ang kaso sa COVID 19 sa GenSan, 132 ang active cases og 79 ang patay.
Ang South Cotabato ang may 1, 636 ka kaso, 81 ang active cases og 46 ang nagtaliwan. Ang Cotabato Province ang may 890 ka kaso, 64 ang active cases og 46 ang patay.
Ang Sultan Kudarat ang may 582 ka kaso, 16 ang active cases og 17 ang patay.
Sa Sarangani ang may 570 ka kaso, 27 ang active cases og 18 ang patay.
Sa katibuk-an adunay 5,737 COVID-19 confirmed cases sa Region 12 kung asa 320 (5.58%) ang active cases, 5209 (90.88%) ang recoveries og 206 (3.59%) ang COVID-19 related deaths.
