GENERAL SANTOS CITY- Baynte-kwatro ka bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Samtang anaa 19 ang bag-ong nakarekober og usa ang natala nga namatay. Sa 24 nga bag-ong kaso sa COVID 19, mukabat sa 18 ang gikan sa GenSan og unom sa North Cotabato.
Sa katibuk-an anaa sa 2,039 ang kaso sa COVID 19 sa GenSan, 129 ang active cases og 78 ang patay. Sa South Cotabato adunay 1,628 ka kaso, kung asa 91 ang active cases og 46 ang nakabsan sa kinabuhi. Sa North Cotabato ang adunay 888 ka kaso, 74 ang active cases og 46 ang patay.
Sa Sultan Kudarat adunay 580 ka kaso, 16 ang aktibong kaso og 17 ang patay.
Sa Sarangani adunay 562 ka kaso, 19 ang active cases og 18 ang patay.
Sa katibuk-an adunay 5,697 ang COVID-19 confirmed cases sa Region 12 kung asa 329 (6%) ang active cases, 5,167 kon 91% ang recoveries og 205 kon 3.60% ang COVID-19 related deaths.
