GENERAL SANTOS CITY – Upat ang bag-ong kaso sa coronavirus disease nga nadugang sa Rehiyon-dose base kini sa bag-ong datos nga gipagawas sa DOH-12, kung asa tulo niini taga dakbayan sa GenSan ug usa sa Cotabato City hinungdan nga mitala na sa 447 ang ihap sa nagpositibu sa makamatay nga sakit. Samtang duha ang nakarekober kagahapong adlawa mao nga mitala na sa 334 ang total recovery samtang unom ang natala nga namatay tulo sa Sultan Kudarat , duha sa North Cotabato ug usa sa Sarangani .
Nanguna nga adunay labing daghan ang South Cotabato nga adunay 110 kung asa 80 ang nakarecover.
Nagsunod ang Generan Santos nga adunay 79, samtang 41 ang nakarecover.
Ikatulo ang Sarangani ug Sultan Kudarat nga adunay tig 75 ka mga kaso, ug 67 ang nakarekober.
Ang North Cotabato nga adunay 59 ka mga kaso samtang 43 ang nakarecover. Ang Cotabato City adunay 49 ka mga kaso, 36 ang nakarekober.
