GENERAL SANTOS CITY – Baynte siete ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Samtang anaa usab sa 30 ang bag-ong nakarekober og duha ang patay nga pulos taga South Cotabato.Sa 27 ka bag-ong kaso 14 ang gikan sa GenSan, pito sa South Cotabato og unom sa Sultan Kudarat.
Gumikan 2,545 ang kaso sa COVID 19 sa GenSan, 181 ang active cases og 94 ang patay. Sa South Cotabato adunay 2,416 ka kaso, 397 ang active cases og 59 ang patay.
Sa Cotabato Province adunay 1,243 ka kaso, 130 ang active cases og 69 ang patay.
Sa Sultan Kudarat adunay 787 ka kaso, 55 ang active cases og 20 ang patay.
Sa Sarangani adunay 729 ka kaso, 71 ang active cases og 18 ang patay.
Sa katibuk-an adunay 7,720 ang COVID-19 confirmed cases sa Region 12 kung asa 834 (10.80%) ang active cases, 6,624 (85.80%) ang recoveries og 260 (3.37%) ang COVID-19 related deaths.
