GENERAL SANTOS CITY – Dul-an na sa 300 ang kaso sa COVID-19 sa Region-12 human madugangan og 3 ka bag-ong kaso kagahapong adlawa, duha gikan sa South Cotabato ug usa sa North Cotabato.
Ang pinakabata sa bag-ong nagpositibo ang nag edad ug 10 anyos nga babaye nga taga South Cotabato Province ug pinakaedaran anaa sa 31-anyos nga residente sa North Cotabato.
Ang tulo nga nagpositibo anaa sa stable ang kahimtang nga kadaghanan may travel history gikan sa Manila, og Davao del Norte niadtong July 10, July 16 og July 28,2020.
Samtang tulo usab ang bag-ong nakarekober sa COVID-19 nga usa gikan sa North Cotabato ug duha sa GenSan City.
Nanguna na ang South Cotabato nga adunay pinakadaghan nga COVID-19 cases nga 70, ikaduha ang Sarangani nga 65, ikatulo ang Sultan Kudarat nga 51, North Cotabato nga adunay 44, samtang 32 sa GenSan ug Cotabato City nga adunay 28 ka kaso sa COVID-19
