Masaligon ang Malacañang nga dili makaapekto sa performance sa maong mga buhatan ang pagsumite sa courtesy resignations sa mga kadagkoan sa Government Owned or Controlled Corporations (GOCCs).
Kini maoy pamahayag ni Executive Secretary Lucas Bersamin human ang Palasyo mimando sa pagsumite sa courtesy resignations sa mga pangulo sa GOCCs.
Matud pa sa kalihim nga nasayod ang maong mga opisyal sa ilang mandato, nga kinahanglang magpadayon ang ilang mga buhatan sa paghatag og serbisyo, bisan pa niining hangyo sa Malacañang.
Gipasalig ni Bersamin nga bisan pa sa performance review nga gihimo sa Palasyo, ang direksyon sa palisiya sa Administrasyong Marcos, ug ang mga buhatan sa gobyerno ubos niini, magpadayon; Ug wala usab kini makita nga epekto sa pakigtambayayong sa gobyerno sa pribadong sektor.Sa pagkakaron, halos tanang GOCC heads nakasumitir na sa ilang resignation letters, ug pipila na lang ang nagpaabot.
