Gisugdan na sa Pilipinas ang usa ka tuig nga countdown sa pag-host sa FIVB Volleyball Men’s World Championship 2025.
Isip kabahin sa pagpangandam, usa ka concert ang gipahigayon sa Kalayaan Grounds sa Malacañang karong Domingo sa gabii.
Matod sa Presidential Communications Office (PCO) nga gihimo ang “PH to Serve” aron ipakita ang performance sa mga medalist sa World Championships of Performing Arts (WCOPA) Team Philippines.
Si Presidente Ferdinand Marcos Jr. ug ang Unang Ginang nangulo sa pag-welcome sa Alas Pilipinas sa nasudnong volleyball team nga naglakip sa men’s ug women’s teams.
Ang nasangpit nga torneyo ipahigayon gikan sa Septiyembre 12 hangtod 28, 2025 ang men’s World Championship nga gilangkuban sa 32 ka teams. Ang torneyo adunay automatic qualifiers diin ang Pilipinas maoy host country ug Italy ang defending champion.
