Cookies og face mask nga gihimo sa mga magtutungha sa TESDA ipadala sa mga naapektuhan sa Taal volcano eruption

GENERAL SANTOS CITY – Ipadala sa mga naapektuhan sa pag-alburoto sa Bulkang Taal ang mga cookies nga giluto sa mga estudyante sa General Santos National School for Arts and Trade sa dakbayan.

Kini ang impormasyon nga gipagawas sa social media account sa TESDA 12.

Ang maong pagkaon ang ihatag pinaagi sa TESDA Regional Office 4 nga sila na ang maghatag ngadto sa mga biktima sa pagbusikad sa Bulkang Taal.

Gawas pa niini nga ang mga gitahi nga face mask sa mga nagtuon og dress making ang ipadala usab sa mga biktima sa Bulkang Taal.

Nasayran nga in-demand ang face mask gumikan sa abo nga gibuga sa bulkan kung asa gipahimuslan sa uban.

Ang rekomendasyon nga kung nahurot ang supply sa commercial face mask pwede ang mga face mask nga tela.