GENERAL SANTOS CITY- Usa ang samaron dihang girakrakan sa mga armado nga grupo gamit ang M203, Carbine ug M16 Armalite rifle ang convoy ni Police Lt . Col.Harry Domingo ang labaw sa Regional Maritime Unit 12 nga nagresulta sa encounter.
Matud ni Police Master Sergeant Oliver Tak-an sa PNP Maritime Police sa Kalamansig Sultan Kudarat nga paingon sa Lebak Sultan Kudarat ang tropa ni Domingo dihang pag-abut sa Sitio Babangcao, Barangay Paril, sa Kalamansig gipabuthan sa dili matino nga grupo.
Igo lamang matud pa milampas ang mga motor convoy ni Dominggo natigayon ang sunod-sunod nga buto hinungdan nga nakaangkon ug samad sa kamot ug lawas si SSgt Arjay Abdullah Salik ug nakaangkon usab ug lima ka igo ang sakyanan sa kapulisan.
Pag-abante matud pa sa kapulisan wala na ang mga suspek apan nahibilin sa lugar ang 200 metros nga sticker wire, PVC pipe nga ginagamit sa landmine ug ang battery operated land mine nga wala mibuto.
Nagtuo ang kapulisan nga hit and run ang gihimo sa mga armado nga ila pang ginasayod ang mga ilhanan. Gikadugang pa niini nga sa lugar nag operate ang front committee 73 sa New Peoples Army.
