GENERAL SANTOS CITY – Pagpanghadlok ang usa sa gilantaw nga motibu sa pagpabuto sa mga sakop sa New Peoples Army tumong sa mga nakaparada nga heavy equipments nga nakaparada sa Vales, Maasim Sarangani Province.
Kini ang gibutyag sa kapulisan sa Maasim sa gihimo nga imbistogasyon aron ilhon ang mga responsable sa giingong pagpamusil sa mga sakop sa grupo ni Johnny Casamorin alyas Rayray .
Gigamit matud pa ang nahisgutang mga heavy equipment sa pag semento sa provincial road sa lugar.
Basi sa record sa presento kaniadtong unang semana niining bulana adunay susama nga panghitabo dihang girakrakan sa mga armadong lalaki ang mga heavy equipment .
Kini human nakadawat ug text message ang supervisor gikan sa wala nagpaila nga tawo nga nangayu ug salapi kanila.
Nasuta nga dili layo sa gikahimutangan sa mga heavy equipment ang detachment sa kasundaluhan sa lugar.
Nagresponde matud pa ang kasundalohan apan wala na nila maabtan ang mga armado nga ginagukod hangtud karon.
Gani nakita sa kapulisan ang hilabihan kadaghan nga basyo sa tag-as nga kalibre sa pusil dihang gipahigayon ang clearing operations.
