GENSAN – Gikumpirma sa Bombo Radyo ni Police Senior Insp. Fernando Manuel, hepe sa Fatima Police Station, nga anaa sa ilang watchlist ang usa mga drug pusher nga ilang nasikop sa natigayong buy-bust operation kaniadtong Dominggo, sa ilang area of responsibility.
Partikular nga gitumbok ni Manuel ang construction worker nga si Manuel Saligumba, hamtong, residente sa PI-16 Brgy City Heights ning dakbayan.
Kahinumduman nga nasikop ang nasampit kauban ang on-call driver sa LTO-GenSan nga si Paul Pagaling, human napalitan ug duha ka sachet sa shabu sa kantidad nga P1,000, ug nakuhaan pa ug laing walo ka medium sachet sa shabu.
Base sa ilang report, gikabutyag nga gawas sa GenSan, makaabot usab ang pagbaligya sa duruha ug droga sa pipila ka bahin sa South Cotabato ug Sarangani.
Sa karon nagpadayon matud pa ang imbestigasyon sa kapulisan kon may grupo o kaha nga gikalambigitan ang duruha, o kaha krimen nga natigayon sa siyudad sa mga kasikbit lugar.
