GENERAL SANTOS CITY – Padayon ang pagpangalap og impormasyon og ebidensiya sa kapulisan sa Fatima kalabutan sa ulahing insidente sa pagpamusil patay sa ilang AOR kagahapon.
Kahibaluan nga ang biktima ang Romeo Montes, alias Tata, 37, usa ka construction worker, nga residente sa Prk. 16, Blk 10, Brgy. Fatima ning syudad.
Sa pakighinabi sa bata nga si Mark, gibutyag niini nga nahitabo ang pagpamusil alas 2:00 sa hapon sa compound sa nagpangalan og Juliet Dalagan nga silingan sa biktima.
Samtang ga-tong-it ang biktima, misulod ang usa ka wala mailhing suspetsado og gidul-it sa pagpusil ang biktima igo sa ilawom sa dalunggan og dayon nisulod sa compound ang duha ka lalaki nga kauban sa suspek og gitiwasan og pusil ang biktima sa ulo duha ka higayon.
Mikanayon pa ang gunman sa mga kadula sa biktima sa tong-it nga wala silay labot og mugawas na sa compound.
Sa pamahayag pa sa bata, nagsakay sa 2 ka XRM kulay pula ang upat ka suspek.
Ang usa sa suspek ang nagsilbing lookout sa gawas.
Sa pahayag usab sa silingan nga si Alias Rey, tulo ka sunod nga buto ang ilang nadunggan og nakita na lamang nga nahayang na ang biktima gikan sa iyang gipungkuan og nagkadugo.
Ang mga suspek ang nakabonnet og pulos may tabon ang nawong samtang ang gunman ang 5’9 ang height og dakuon ang lawas.
