GENSAN – Dili uyon sa impeachment batok kang Vice President Sara Duterte si Lone district Congresswoman Shirlyn Bañas-Nograles . Matod niini nga daghan pa mas prayoridad nga isyu nga angay tutukan sa gobyerno ug sa Kongreso kaysa sa pagpadayon sa maong proseso.
Gipasiugda niini nga sa kasamtangan, mas importante ang pag-atubang sa mga problema nga direktang nakaapekto sa katawhan sama sa ekonomiya, trabaho, ug serbisyong sosyal. Sumala pa kaniya, ang iyang pangunang pokus mao ang pagtrabaho isip representante ug paghatag og kusog nga tingog alang sa mga residente sa Heneral Santos aron mas mapalambo pa ang dakbayan.
Giingon usab sa kongresista nga magpabilin siyang konsentrado sa mga programa ug inisyatiba nga makahatag og konkretong kaayohan sa katawhan, ilabi na sa mga proyektong makapadasig sa kalamboan ug makahatag og dugang oportunidad sa mga taga-Gensan.
