GENSAN-Dismayado si General Santos City Lone District Representative Shirlyn Bañas-Nograles nga hangtod karon wala pa ghapon mahuman ang 560 meters Mabuhay Underpass sa General Santos City, gitawag usab nga ‘Bulaong-Mabuhay Underpass’ sa intersection sa Mabuhay-Bulaong Road og Digos-Makar Road.
Matod niini gipaabot na niya ngadto sa DPWH Central Office ang pagkalangan sa maong proyekto nga angay unta nahuman na sa miaging tuig pa human gisugdan niadtong June 23,2022.
Nanghinaut si Congresswoman Bañas-Nograles nga matuman sa DPWH ang ilang saad nga mahuman ang proyekto sa unang quarter sa 2026 tungod kay grabeng kahasol na ang resulta sa padayong pagkadelatar niini ilabina sa mga commuters og mga negosyante.
Nasayran nga kini ang adunay pondo nga P650-million.
