GENERAL SANTOS CITY – Misaka sa 69 ang nagpositibo sa coronavirus disease 2019 sa Socsksargen Region. Basi sa ulahing migawas nga datos sa Department of Health Region 12, pito ang mga bag-ong nagpositibo nga tanan residente sa Sultan Kudarat Province.
Lakip niini ang 28 anyos nga babaye, 40yrs.old babaye, 51yrs.old babaye, 55 yrs.old babaye nga pulos adunay travel history sa Cebu.
Nadugang usab ang 35 yrs.old nga lalaki nga may travel history sa Imus Cavite, ang usa ka 21yrs.old nga lalaki nga nakaadto sa Taguig og 28 yrs old babaye nga miuli sa Sultan Kudarat kaniadtong June 21 2020 gikan sa Pasay.
Apan duha ang bag-ong nakarekober nga pasyente gikan sa maong sakit, usa ka 24 yrs.old babaye og 27 anyos lalaki nga pulos residente sa South Cotabato. Ang katibuk-ang nakarekober na gikan sa covid 19 mukabat na sa 41.
Sa datos usab, nalabwan na sa Sultan Kudarat ang South Cotabato nga adunay labing daghang ihap sa nagpositibo nga mukabat sa 18 kung asa duha lang ang nakarekober og may usa napatay samtang 17 ang kaso sa South Cotabato nga may 15 ka total recoveries.
Ang Cotabato City ang may 15 ka mga kaso sa sakit apan tanan ang naulian.
Ang North Cotabato may siyam nga confirmed cases sa covid19 og lima ang nakarekober.
Ang Sarangani Province, pito kabuok ang nagpositibo og duha lang niini ang nakarekober samtang ang tulo gihapon ang GenSan og duha ang nakarekober na gikan sa maong makamatay nga sakit.
