Nakita na personal ni two-time Olympic gold-medalist Carlos Yulo ang bag-ong balay nga gihatag kaniya gikan sa Megaworld Corporation.
Dungan niini, nagpakuha si Yulo og mga hulagway sa matag suok sa hilabihan kanindot nga 100-square meter condo unit.
Fully-furnished kini ug kumpleto na sa mga appliances sama sa refrigerator, microwave oven, four-burner cooktop with oven, washing and drying machines, may 4 ka smart televisions, og aduna usab game console kung asa siguradong malingaw si Carlos kauban ang iyang mga higala ug pamilya atol sa iyang libreng oras.
Adunay duha ka balkonahe ang maong condo unit kung asa pulos mahimong ma-access agi sa living room og master’s bedroom.
Lakip sa talagsaong butang nga makita sa sala mao ang ‘custom-made nesting coffee table’ nga adunay replica sa gold medal sa Paris Olympic Games.
Ang unit usab adunay kaugalingon nga kwarto sa katabang nga adunay kasilyas ug kaligoanan, ug adunay kaugalingon nga parkinganan.
