Miduso ang House Young Guns og Resolution of Both Houses No. 2 aron iduso ang pag-amenda sa 1987 constitution pinaagi sa Constitutional Convention (Con-Con).
Ang nasangpit nga balaudnon gimugna nila ni Deputy Speakers Paolo Ortega, Jay Khonghun ug Deputy Majority leaders Ernix Dionisio, Zia Alonto Adiong, Rodge Gutierrez ug Eduardo Rama, Lordan Suan.
Ang balaodnon nagtinguha nga ipaubos ang age requirement gikan sa 40 anyos ngadto sa 35 anyos alang sa Presidente ug Bise Presidente samtang sa mga Senador gikan sa 35 anyos ngadto sa 30 anyos.
Matod sa mga author, panahon na nga usbon ang balaod nga nagtakda sa edad sa usa ka indibidwal nga mohupot sa katungdanan, ilabi na sa pagka Presidente, Bise Presidente ug Senador.
Dugang pa nila nga 52% sa populasyon anaa na sa 30 anyos, nga nagpakita nga sila makahimo sa pagpangulo.
Matod sa mga Kongresista, panahon na nga madungog ang tingog sa mga bag-ong henerasyon.
Matud pa ni Deputy Speaker Paolo Ortega nga tungod sa kasamtangang balaod, pipila ka mga Filipino ang nagpaabot nga moabot sa edad nga kwarenta una makaserbisyo sa nasud.
Kini nga sitwasyon, matod niya, maoy hinungdan sa pagtutok sa mga batan-on aron makaserbisyo.
Matod nila ang pagpangulo dili bahin sa edad kondili bahin sa abilidad, pagpakabana ug kaandam sa pagserbisyo.
Giduso ni Con-con nga ipaubos ang age requirements sa mga kandidato sa pagkapresidente, bise presidente ug senador
