GENERAL SANTOS CITY – Patay na sa dihang nakaplagan ang usa ka lalaki human nga gituohang gipusil sa wala mailhing suspek sulod sa panimalay niini sa Rivera Compound, Yumang St., Brgy. Lagao, GenSan bandang alas 6:20 sa buntag.
Giila ang biktima nga si Raymund Buenavetura Rivera, 41 anyos minyo ug usa ka computer technician.
Base sa impormasyon sa Lagao Police Station, nakadawat silag ug tawag gikan sa usa ka concern citizen nga dunay nakaplagan nga patay sa nasampit nga lugar.
Dayun nga miresponde ang kapulisan kalabot sa maong report.
Nakit-ang naligo sa kaugalingong dugo ang biktima ug nakaangkon ug samad pinusilan sa ulo.
Base sa inisyal nga imbestigasyon ug mga salaysay sa mga testigo nga una pa man nakit-ang patay ang biktima, nakadungog pa sila ug buto sa pusil gikan mismo sa panimalay niini bandang alas 3:00 sa hapon ug dakong kakurat nalamang nila nga patay na ang nag-ukopa sa maong panimalay.
Narekober sa crime scene ang basyo sa suspected caliber 45 pistol ug nakatagdang ipailawom sa ballistic examination sa Regional Crime Lab 12.
