Comelec, walay extension sa voter’s registration nga ihatag bisan sa mga dapit nga naigo sa bagyo

Gitataw ni Comelec Chairman George Erwin Garcia nga dili na sila makahatag og dugang nga grace period human sa Septiyembre 30 nga voter registration period. Matod niya nga dugay na kaayo kining panahon nga nagsugod niadtong Pebrero.

Matud pa ni Garcia sa Bombo Radyo nga ilang giablihan ang mga buhatan sa Comelec bisan sa holidays, weekend ug sa dihang sirado ang ubang mga buhatan.

Bisan sa mga malls ug pampublikong lugar, nitanyag usab sila og “Register Anywhere Program” aron ang mga lungsoranon makaayo sa ilang record sa pagparehistro.

Bisan pa sa kadaghan sa mga nagparehistro, daghan usab ang giingon nga na-delist tungod sa daghang mga entri ug uban pa ang namatay, base sa ilang verification.