-- ADVERTISEMENT --
GENSAN– Giawhag sa Commission on Elections (COMELEC) General Santos City ang tanang kwalipikadong mga indibidwal nga magparehistro sa umaabot nga voter registration nga magsugod karong Agosto 1 hangtod Agosto 10, 2025.
Matud ni Atty. Jose Villanueva, Assistant Regional Director sa Comelec 12 nga napulo ka adlaw lamang ang gihatag para sa registration.
Kini maglangkob dili lang alang sa bag-ong botante, kun dili apil na usab ang mga adunay ‘corrections’ sa pangalan, pagbalhin og presinto, ug re-activation sa inactive nga mga account.
Gihangyo ni Atty.Villanueva ang publiko, ilabina ang mga kabatan-onan nga moabot na sa 18 anyos sa adlaw sa eleksyon, nga magparehistro ug gamiton ang ilang tinud-anay nga tingog sa demokratikong proseso.
