-- ADVERTISEMENT --
GENERAL SANTOS CITY– ‘On track’ ang Comelec sa ilang mga preparasyon para sa nagkaduol nga National and Local Election karong bulan sa Mayo.
Matod kang Atty. Wilfred Jay Balisado, Regional Director sa Comelec 12, nagapadayon ang pag-imprinta sa opisyal nga mga balota nga gamiton para sa eleksyon kung diin target nga matapos sa Abril 15.
Gibutyag niini sa Marso naka-schedule ang mga ipahigayong trainings para sa mga electoral boards.
Sa pamahayag sa nasampit nga Comelec official nga sa bulan sa Abril target sa poll body nga mahatod na sa tagsa tagsa ka mga syudad og munisipyo sa tibuok Soccsksargen ang mga Automated Counting Machines kon ACMs apil mga official ballots.
-- ADVERTISEMENT --
