Nihangyo ang Commission on Elections (Comelec) kang President Bongbong Marcos Jr. nga ideklarar nga holiday ang Mayo 12 aron mahatagan og kahigayonan ang tanang mga botante nga makabotar.
Matud ni Comelec Chairperson George Erwin Garcia nga bisan og gideklara nga special non-working holidays ang miaging piniliay, nagkinahanglan gihapon kini og deklarasyon gikan sa Office of the President.
Hangtud ning pagsuwat, wala pa motubag ang Palasyo sa hangyo sa poll body.
Karong Mayo 12, magpapili na og mga bag-ong opisyal sa gobyerno sama sa senador, district representative, party-list, gobernador, mayor, ug konsehal.
Matod sa Comelec, ang regular voting hours gikan sa alas 7 sa buntag hangtod sa alas 7 sa gabii.
Ang mga senior citizens, PWDs, ug mga mabdos mahimong makabotar og sayo sa alas 5 sa buntag aron malikayan ang mga tawo ug grabeng kainit.
