Nakadawat ang Commission on Elections (Comelec) Committee on Kontra Bigay (CKB) og kapin sa 200 ka reklamo batok sa giingong vote-buying, vote-selling ug abuso sa state resources (ASR) mga adlaw sa wala pa ang 2025 Elections.
Matud pa ni Commissioner Ernesto Maceda Jr. CKB chairperson, nga nakadawat sila og kinatibuk-ang 271 ka mga reklamo sukad niadtong Mayo 1.
Sa nasangpit nga gidaghanon, 169 ka kaso ang vote-buying ug vote-selling ug 80 ang may kalambigitan sa ASR.
Ang mga rehiyon nga adunay pinakadaghang report naglakip sa Calabarzon, Central Luzon, National capital Region, Mimaropa ug Bicol Region samtang ang mga lugar nga adunay pinakadaghang reklamo mao ang Laguna, Marikina City, Rizal, Oriental Mindoro ug Bulacan.
Sa miaging semana, ang komite niingon nga labing menos 213 ka nasyonal ug lokal nga mga kandidato ang na-isyu sa show-cause orders (SCOs) alang sa giingong vote buying, vote selling, ug ASR.
Si Maceda Jr., sa makausa pa, nitataw nga ang mga kandidato nga adunay pending nga kaso mahimo gihapong ma-disqualify o dili maproklamar.
