GENERAL SANTOS CITY – Karong adlawa, Hulyo 13, ang deadline sa pagsumite ug state of contributions and expenditures kon SOCE sa tanang nagpapili sa nakalabay’ng Barangay ug Sangguniang Kabataan Elections kaniadtong Mayo 14.
Nagpahinumdum ang Comelec sa tanang mga nahimong kandidato nga isumite na ang ilang SOCE.
Sa pakighinabi sa Bombo Radyo kang Atty April Mitchor-Miguel, election officer, obligado matud pa ang tanang kandidato, midaog man o napildi, nga magfile sa ilang SOCE.
Kini gumikan ang dili makasumiti ang mag-atubang ug administrative charges.
Nanawagan kini sa mga nagpapili nga dili hulaton ang deadline una magsumiti sa SOCE.
Hinuon, daghan na usab matud pa ang nakasumite sa ilang SOCE o nagasto atol sa eleksyon, kung asa may buhis pa nga barayan sa BIR.
