Padayon nga nagpahimangno si Commission on Elections Chairman George Erwin Garcia sa mga kandidato pa nga muhimo og vote-buying og abuse of state resources.
Matud niini, dili sila magmakuli nga aksyunan gilayon kini og pahamtangan og tukmang silot ang kinsa man nga mapamatud-an nga nalambigit sa pagpamalit og pagbaligya ug mga boto karong panahon sa eleksyon.
Mukabat na sa 74 nga mga kandidato gikan sa nagkadaiyang mga posisyon ang gipatubag karon sa Commission on Election (COMELEC) tungod sa alegasyon sa pagpamalit og boto.
Ang dokumento gipirmahan ni Committee on Kontra Bigay head Teopisto Elnas Jr nga adunay 19 nga lokal nga kandidato nga nalambigit sa vote buying og abuse of state resources (ASR).
Kahinumduman nga niadtong Huwebes adunay pipila ka kandidato usab ang gipatubag sa COMELEC tungod sa maong alegasyon sa pagpamalit og mga boto.
