GENERAL SANTOS CITY – Dili na padugayon pa sa Commision on Elections ang pagpahigayon ug operation baklas sa mga campaign materials nga gibutang sa dili common poster areas.
Kauban sa COMELEC ang PNP, BJMP, BFP, DENR ug DPWH sa pagpahigayon sa massive operation sugod kagahapong adlawa Oktubre 20 ug mahuman sa Oktubre 27, 2023. Una ng gibutyag ni Assistant Regional Director sa COMELEC 12 Atty. Jose Villanueva nga ila usab gipatuman ang standard nga sukod sa mga campaign materials isip pagtamod sa gilatid sa Omnibus election code.
Matud ni Atty Garangan nga ilang tangtangon ang mga campaign materials nga wala mosunod sa standards sa ahensya sama sa gidak-on sa tarpaulin, sayop nga dapit sa pagkabit ug uban pang mga kalapasan.
Gani gihangyo niini ang mga kandidato ug ilang mga suporter nga likayan ang pagbutang sa mga campign materials sa otorisado nga common poster areas aron dili masayang ang ilang gasto. samtang gipasidan-an niini ang mga lokap opisyal nga likayan nga mubayaw ug kamot sa mga kandidato tungod mamahimo sila nga kasuhan.
Matud ni Atty. Villanueva nga non partisan ang barangay ug SK elections.
Sumala pa nga kini ang lakang sa poll body alang sa limpyo ug organisado nga napulo ka adlaw nga pagpangampanya.
