Nagpahinumdum si Atty. April Mitchor- Miguel, spokesperson sa Comelec 12 sa mga botante nga walay lugway ang voter registration nga mahuman sa Septyembre 30, 2021.
Matud pa ni Atty. Miguel nga kapin sa 70 ka adlaw na lang ang nahibilin una mahuman ang registration.
Busa angayang pahimuslan ang kahigayonan aron makaboto sa 2022 elections.
Ang voter registration ang apektado sa nasinatian nga pandemnya.
Tungod sa sitwasyon, limitado ang makaparehistro kada adlaw gumikan sa mga protocols nga gipatuman.
Sa iyang pamahayag nga sa dihang nagdeklara ang Gensan og General Community Quarantine sa miaging Hunyo suspendido ang voter regisration.
Tungod niini hugot nga gipaningkamutan nga marehistro ang mga nag-adto sa ilang buhatan. Matud pa ni Atty. Miguel nga sa GenSan gisugdan na usab sa satellite registration sa matag barangay kada adlawng Huwebes og Sabado.
Sa July 29 na ipahigayon ang voter registration sa Baluan, August 5 sa Katangawan, August 7 sa Tinacagan, August 12 sa Buayan, August 14 sa Ligaya, August 21 sa San Isidro, August 26 sa Lagao, August 21 sa Conel , August 26 sa Tambler og August 28 sa Sinawal.
