-- ADVERTISEMENT --
Nakaprinta na ang Commission on Elections (Comelec) og kapin sa 45 milyones ka mga balota alang sa Mayo 12 election. Matod ni Comelec Chairman George Garcia, 45,649,329 o katumbas sa 63.32% sa 72,097,420 ka gikinahanglang balota ang naprinta.
Matod niya, kini nga numero naabot human ang National Printing Office ug ang South Korean election systems provider nga Miru nakaprinta ug 921,262 ka mga balota sa usa ka adlaw.
Mas taas kini sa inisyal nga target nga 800,000 ka mga balota kada adlaw. Kahinumduman nga nagsugod ang Comelec ballot printing niadtong Enero 27, 2025.
