GENSAN- Gisuspenso sa Commission on Elections ang nakatakdang nationwide voter registration karong Hulyo 1 hangtod 11 isip kabahin sa preparasyon para sa Barangay ug Sangguniang Kabataan Elections (BSKE) sa Disyembre.
Sumala ni Dennis Besa, Barangay Captain sa Baluan, Gensan, nga pabor kini sa postponement tungod bag-o pa lang nahuman ang midterm ug national elections.
Dugang pa niini, nahuman na usab ang bicameral deliberation sa Kongreso ug Senado bahin sa extension sa termino sa mga barangay ug SK officials. Gibutyag ni Kapitan Besa, nga mas maayo nga maaprobahan ang upat hangtod unom ka tuig nga extension sa mga Barangay Captain aron mas taas ang panahon sa pagpanerbisyo.
Ilabi na sa mga gagmay nga barangay nga limitado ra ang budget, ug kasagaran sa mga programa kada tuig pa makuha ang pondo. Kini makatabang aron mapadayon ug dili mabitin ang mga plano.
