GENSAN– Gipanghimakak sa Commission on Elections (COMELEC) nga ang pagpapirma sa Voters Information Sheet o VIS nga ihatag sa mga rehistradong botante ay para matod pa sa impeachment ni Vice President Sara Duterte-Carpio.
Sa pakighinabi sa Bomboradyo, gibutyag ni Atty. Jose Villanueva, Assistant Regional Director sa Comelec Region 12, human kini sa mga feedback nga ilang nadawat kabahin sa distribusyon sa poll body sa VIS.
Giklaro niini nga nakalatid sa balaod ang distribusyon sa VIS sa mga registered voters tungod magsilbi kining giya sa pagboto sa nagkaduol nga midterm elections sa Mayo 12 tungod kumpleto na kini sa gikinahanglang impormasyon.
Sa iyang pamahayag, bisan sa mga nangaging mga eleksyon nanghatag usab ang Comelec og VIS.
Samtang ning adlawa nagpahigayon og Operation Baklas ang Comelec Gensan sa mga campaign materials sa national and local candidates nga wala sa common poster areas.
