Gibasura sa Commission on Elections ang Motion for Reconsideration ni incumbent Cotabato City Mayor Bruce Matabalao alang sa judicial recount kang kanhi City Mayor Cynthia Guiani-Sayadi sa resulta sa gipahigayon nga 2022 local elections.
Kagahapong adlawa gianunsyo ni kanhi Cotabato City Administrator Jarissa Guiani pinaagi sa social media nga gibasura sa Comelec En Banc ang motion for reconsideration nga gipasaka ni Matabalao.
Matud ni Jarissa nga miboto ang Comelec ug 7-0 pabor kang Atty. Cynthia Guiani nga judicial recount hinungdan nga nag file ug motion si Matabalao .
Gani gipatik pa sa kanhi city administrator ang tipik sa dispositive portion sa desisyon sa Comelec nga may petsa September 24, 2024.
Atul sa ulahing pinili-ay midaug si Matabalao nga may 29,818 ka mga boto kontra sa 22,939 ka boto ang nakuha ni Guiani.
