Gi-postpone sa Commission on Elections (Comelec) ang labing unang Bangsamoro Parliamentary Elections. Sumala ni COMELEC Chairman George Garcia, adunay mga problema sa legal ug operational nga mga kabalaka.
Ang maong pag-postpone giaprobahan pinaagi sa usa ka resolusyon sa ilang Comelec en banc atol sa regular nga sesyon niini nga gipahigayon niadtong Enero 28.
Dugang niya nga ang eleksyon dili mapahigayon sa Marso 30 tungod sa kakulang sa epektibo nga balaod alang sa pag-redistrict sa Bangsamoro Parliament ug sa kakulang sa panahon sa pagpangandam alang sa eleksyon.
Gi-aprobahan lang sa parlamento ang mga lakang sa pag-redistrict sa katapusang pagbasa niadtong Enero 13 samtang niadtong Enero 20, gipirmahan kini ni Chief Minister Abdulraof Macacua aron mahimong balaod.
Ang maong eleksyon nanginahanglan og pundo nga hangtod sa P2.5 bilyon, diin ang ilang pundo wala pa mausab tungod kay ang P1.2-B nga gigamit sa pag-imprinta sa mga balota alang sa eleksyon sa Bangsamoro parliamentary nga orihinal nga gikatakda nga ipahigayon niadtong Oktubre 13, 2025, gibalik na.
