GENERAL SANTOS CITY – Anaa na sa dul-an sa 1,500 ang na-avail sa serbisyo sa Comelec GenSan alayon sa nagpadayong voters registration.
Sa pakighinabi sa Bombo Radyo GenSan, gibutyag ni City Comelec Officer Atty. April Mitchor- Miguel nga dili lamang registration ang ilang gitutukan apan lakip na ang transfer, change status, correction og uban pa.
Nagpasalamat ang nasampit gumikan ubay-ubay ang mitubag sa ilang panawagan luyo nga gibutyag na ni Pangulong Rodrigo Duterte nga isibog ang SK og Barangay election sa sunod tuig.
Iyang gibutyag nga kini gumikan ang voters certiication ang kinahanglanong dokomento sa nagkadaiyang mga transakyon.
Samtang giandam na sa Comelec Gensan ang tanang mga kinahanglanon aron ipahigayon na ang satellite registration sa mall.
Magpahigayon usab sila og satellite registration sa mga barangay o tulunghaan kung muhangyo sa ilang buhatan.
Kahibaluan nga ang voters registration ang nagsugod sa miaging Agosto 1 og mahuman sa Sept 30, 2019.
