GENERAL SANTOS CITY – Dako ang papel sa Commission on Election sa 2025 midterm election nga gikaingon nga idungan sa plebisito.
Kini tungod mamahimong free baggage ang plebisito nga nagtumong nga magpatuman ug kabag-uhan sa 1987 constitution.
Matud ni Atty. Rey Cartojano co-anchor sa programa nga Duralex Cedlex nga dapat simplified ang pangutana tungod dili tanan nga mga botante ang nakahibalo sa pangutana sa plebisito.
Matud ni Cartojano nga challenge kini sa poll body aron masabtan sa kadaghanan hinungdan nga nagsogyot nga mugamit ug translation gawas sa mga regional dialect aron masiguro nga matubag ang pangutana nga tubagon lang sa pulong nga Yes or No human giingon nga dili permamente nga adunay ipahigayon nga plebisito.
Gikadugang niini nga pinasahi kini nga election kung mahinayon tungod isal-ot ang plebisito nga ipahigayon sunod tuig.
Usa usab sa gilantaw niini nga mahimong creative ang Commission on Elections aron magpahigayon ug early voting sa mga senior citizen, PWD, ug kadtong adunay mga special conditions busa ang election posible nga dangtan ug duha ka adlaw.
