GENERAL SANTOS CITY – Walay nadawat nga kamandu-an ang Comelec GenSan aron hunungon ang ilang gipahigayon nga Oplan Baklas.
Sumala pa ni Atty. Sittie Papandayan-Garangan, City Comelec election officer nga duha na ka higayon sila nga nagpahigayon og Oplan Baklas sa miaging Pebrero 14 og Marso 1, 2022.
Sa iyang pamahayag nga may mga reklamo nga nadawat ang ilang opisina gikan sa mga pribadong indibidwal kalabutan sa mga gibutang nga mga campaign poster.
Iyang gitambagan nga pwede kuhaon sa tag-iya kung dili nila gusto ang gipangbutang nga mga campaign poster .
Hugot ang panawagan sa COMELEC sa mga pulitiko og mga supporters nga sa common poster area lang ibutang ang mga campaign posters.
Bawal nga ibutang ang mga campaign posters sa mga pampublikong mga lugar, og sa punuan sa mga kahoy.
