GENERAL SANTOS CITY -Giawhag sa COMELEC ang publiko nga magparehistro alang sa 2022 election.
Matud pa kang Atty. Mike Abas, Regional Director sa Comelec 12 nga magsugod ang voter registration alas 8:00 sa buntag hangtod sa 4:00 sa hapon gikan sa kanhi cut -off nga alas 3:00 sa hapon.
Abli ang mga opisina sa tibuok nasud matag adlaw nga Martes hangtud Sabado apil ang mga holidays.
Gibutyag ni Abas nga sirado ang Comelec offices sa matag adlaw nga Lunes alang sa ipahigayong disinfection gawas sa adlaw-adlaw nga ipahigayong disinfection.
Nagpahimangno ang opisyal sa mga magparehistro nga sundon ang mga minimum health protocol sama sa pagsul-ob og face mask, face shield og angayan usab nga may dala nga kaugalingong ballpen.
Sa pamahayag pa ni Atty. Abas nga daghan pa gihapon ang wala pa makarehistro aron makaboto sa local og national elections sa 2022.
