Patay ang bana sa usa ka Comelec Election Officer sa Datu Odin Sinsuat Maguindanao del Norte human sila gi-ambush sa Brgy. Makir sa nasampit nga lugar kaganihang buntag.
Sakay sa kulay gray nga Toyota Fortuner si Bai Maceda Lidasan Abo og ang iyang mister nga si Jojo Abo dihang sila gipaarakan sa wala mailhing suspek.
Dead on the spot ang mister ni Abo tungog sa naangkong mga samad pinusilan samtang samdan ang Comelec officer nga kasamtangang ginatambalan sa ospital.
Padayon usab nga giimbestigahan sa kapulisan ang insidente aron masayran ang mga nagpaluyo sa pagpamanhig og ang motibo sa krimen.
Sumala sa mga awtoridad, usa lamang kini sa mga sunod sunod nga pagpang-ambush nga natigayon sa lugar sukad pa kagahapon.
Tungod niini gipahugtan na ang seguridad sa Maguindanao del Norte aron malikayan ang mga dugang insidente.
Padayon ang panawagan sa lokal nga panggamhann og mga residente para sa hustisya og hinanaling aksyon aron mahunong na ang sunod-sunod nga insidente sa pagpamusil sa ilang lugar.
Padayon usab ang hot pursuit operation sa PNP batok sa mga suspek.
