Gianunsyo sa Commission on Elections (Comelec) nga exempted ang P20 per kilo Rice Project sa Department of Agriculture (DA) sa 45-day election spending ban.
Pinaagi sa Comelec Memorandum No. 25-07984, gipaboran sa poll body ang hangyo sa DA nga dili ilakip ang maong programa sa bawalan samtang nagkaduol ang 2025 midterm elections.
Buot pasabot niini, adunay certificate of exemption nga nagapasabot nga wala nalakip ang programa sa imbestigahan kun adunay paglapas kini sa Section 261 (v) (1) sang Omnibus Election Code (OEC).
P5-billion nga pondo ang alokasyon para sa maong programa nga nagabaligya og bugas sa presyo nga P20 per kilo.
Sumala kang Comelec chairman George Erwin Garcia, gilakip sa poll body ang dugang nga guidelines para sa exclusion, lakip na ang pagpasa sa local government units (LGUs) og bulag nga certificates of exemption kun magbaligya sila og bugas sa mas barato pa gyud nga presyo.
Ang uban pa nga direktiba mao nga angayang baligya ang subsidized rice sa public places, og angayang tugotan ang media, civil society og interest groups nga mag-adto sa venue kun adunay implementasyon na.
Kun kahinumdoman, gi-exempt usab sa Comelec sa spending ban ang mga programa sa Department of Social Welfare and Development (DSWD) lakip na ang kontrobersyal nga Ayuda para sa Kapos ang Kita Program.
Exempted usab ang infrastructure projects gikan December 2024.
Kahibaluan nga sa ilawom sa Comelec Resolution No. 11060, kinahanglan ang certificate of exemption aron mag-implementa sa mga programa og aktibidad sa social welfare projects og services kun ginaimplementa ang public spending ban gikan sa March 28 hangtud sa May 11, 2025.
