-- ADVERTISEMENT --
Gipahibalo sa Commission on Elections (Comelec) ang ilang kaandam alang sa umaabot nga Parliamentary Elections sa Oktubre.
Matod ni Comelec Chairman George Erwin Garcia, 90% ang ilang kaandam ug preparasyon sa umaabot nga piniliay.
Sa usa ka pakighinabi, gihingusgan ni Garcia nga ang piniliay sa Bangsamoro Autonomous Region in Muslim Mindanao (BARMM) magpadayon bisan og nalangan ug na-postpone ang piniliay sa Barangay ug Sangguniang Kabataan.
Samtang, gibanabana sa komisyon nga gibana-bana nga 2.3 milyon nga mga indibidwal ang gilauman nga mobotar sa Oktubre 13.
Kahinumduman nga kaniadtong Pebrero ning tuiga, gipirmahan ni Presidente Ferdinand Marcos Jr. ang pagbalhin sa piniliay sa BARMM ngadto sa Oktubre nga ipahigayon unta karong Mayo.
-- ADVERTISEMENT --
