-- ADVERTISEMENT --
Nagpahibalo ang Commission on Elections nga dul-an sa 5,000 ka mga Filipino sa gawas sa nasud ang naka-enrol na sa online voting and counting system (OVCS) nga gamiton alang sa Mayo 12 nga piniliay.
Matod ni Comelec Chairperson George Erwin Garcia, gipaabot nga mas daghan pa ang magpa-enrol sa umaabot nga mga semana tungod paspas ug sayon ang proseso.
Giawhag usab ni Garcia ang mga nagpa-enrol nga mag-familiarize sa paggamit sa OVCS aron dili na maglisod pag-abot sa voting period.
Ang enrollment period para sa internet voting nagsugod niadtong Marso 20 ug matapos sa Mayo 7.
Magsugod ang overseas voting period gikan sa Abril 13 hangtod Mayo 12, diin ang mga botante gawas sa nasud makabotar sa nasudnong piniliay.
-- ADVERTISEMENT --
