GENERAL SANTOS CITY – Nakabsan na sa kinabuhi ang college student sa Mindanao Polytechnic College human nga gidala sa ospital tungod gipusil sa miaging adlaw sa wala mailhing mga suspetsado sa Saging St. Brgy Dadiangas North ning dakbayan.
Giila ang biktima nga si Chester Vonn Ortega, 19 anyos, taga Poblacion, Glan, Sarangani.
Nasayran nga gawas sa pamilya, nagbangotan ang mga classmates sa biktima.
Sumala pa nga buotan si Ortega og wala silay nasayran nga adunay na kaaway tungod focus matud pa kini sa pagtungha.. Sa kamatuoran, mag-OJT na unta sa barko ang biktima..
Sa pagkakaron, gihuptan na sa kapulisan ang CCTV footage kung asa maki-an ang biktima kauban ang higalang babaye samtang naglakaw.
Makit-an usab nga ang biktima ang gisundan sa 2 ka suspek nga lalaki nga naka-bull cap og naka-jacket.
Gani gi-lingi pa sa babaye ang mga suspek apan una na niining gibutyag nga dili nila kaila ang mga nasampit.
Medyo nalisdan ang kapulisan sa gihimong imbestigasyon tungod wala naigo sa CCTV ang mismong pagpusil sa biktima.
Gikabutyag nga tambukon ang usa ka lalaki nga misunod sa mga biktima samtang payat ang kauban.
Sa pagkakaron, dili pa klaro sa otoridad kung unsa ang motibo sa krimen.
